Наставата во второто полугодие во ОСУ ,,Ацо Русковски” во Берово, започна да се одвива со подобрени услови за настава за учениците и наставниот кадар, со набавката на 18 нови лаптоп компјутер, кои ги содржат сите потребни технички карактеристики за непречено одвивање на наставата.
-Со задоволство можам да кажам дека деновиве е извршена набавка на нови 18 лаптоп-копјутери за унапредување на наставниот процес. Со оваа набавка, нашето училиште, е обезбедено со соодветна ИТ-опрема за поуспешна реализација на наставниот процес. Дополнително за унапредување на наставниот процес се набавени и смарт табли. Средствата за набавка, се обезбедени од Буџетот на училиштето, изјави Сашко Корчовски, директор во ОСУ ,,Ацо Русковски” во Берово.
Посочи дека од 1 окотмври, досега, онлајн-наставата се спроведува без некои големи пречки, се решаваат тековно сите проблеми кои попатно настануваат, а училиштето од неодамна има и соодветна оптичка интернет-конекција.
Во училиштето паралелно се реалзиира и практична настава за вкупно 53 ученици од угостителско туристичка и текстилно кожарската струка.
