Се решава долгогодишниот проблем со водонабдувањето во населба Јуруко во Берово.
Во текот на вчерашниот ден, во функција е ставена новата пумпна станица, која ќе обезбеди зголемен притисок на водата и квалитетно водоснабдување, на повисоките места, во овој дел од градот.
Поради надморската височина, резервоарот со филтер станицата , изминатиот период, не го задоволуваше потребниот притисок, поради што жителите, често имаа проблеми со притисокот на водата.
Со инсталацијата на новата пумпна станива, се решава проблемот и жителите од населба Јуруко, конечно ќе добијат водоснабдување како што заслужуваат.
Од ЈПКР,,Услуга”, велат дека, подолго време работат на решавање на овој проблем, при што конечно проблемот е надминат и жителите од повисоките места, ќе можат да користат квалитетно водоснабдување.
