Градоначалникот на Општина Берово, Петар Ружински, денеска оствари средба со членовите на пингпонгарскиот клуб „Зегин“ Берово, во пресрет на нивното заминување на Балканското првенство во пинг-понг, кое ќе се одржи во Елбасан, Република Албанија.
Македонските шампиони Јован Пармачки и Бојана Јовевска, предводени од својот тренер Јован Ковачовски, ќе ги бранат боите на клубот и ќе го носат националниот дрес, на ова престижно меѓународно натпреварување.
Настапот на Балканското првенство, претставува голема чест, но и значајна одговорност за младите спортисти, кои ќе имаат можност да ги одмерат силите со најдобрите пингпонгари од регионот и да ја претстават Македонија на највисоко ниво.
На средбата, градоначалникот Ружински им посака многу успех, спортска среќа и достојно претставување на Берово и државата, истакнувајќи дека нивните досегашни резултати, сами по себе се доказ, дека посветеноста, дисциплината и напорната работа, секогаш носат успеси.
„Вие сте гордост за Берово и Малешевијата, инспирација за младите генерации. Со своите успеси, покажувате дека и од помалите средини, можат да произлезат врвни спортисти. Верувам во вашите квалитети и ви посакувам со достоинство да ги претставите клубот, градот и нашата држава“, порача градоначалникот Ружински.
Општина Берово и понатаму ќе продолжи да ги поддржува младите спортисти и развојот на спортот, препознавајќи го нивниот придонес, во промоцијата на општината и афирмацијата на вистинските вредности