Почитувани сограѓани
Поради зголемена фреквенција на гости, туристи и посетители во нашиот град, Општина Берово упатува апел за поголема внимателност, трпение и одговорно однесување, до сите учесници во сообраќајот.
Посебен акцент се става на централното градско подрачје, особено во околината на градскиот плоштад, како и долж улиците „Маршал Тито“ и „23-ти Август“. На овие локации, во овој период е зголемено присуството на пешаци, велосипедисти и корисници на алтернативни превозни средства, поради што е потребна максимална внимателност и внимателно прилагодување на брзината од страна на возачите.
Апелираме до сите учесници во сообраќајот, да ги почитуваат сообраќајните правила и прописи, да бидат внимателни едни кон други и со взаемно почитување да придонесеме за поголема безбедност на сите граѓани и посетители во нашиот град.
Упатуваме апел за доследно почитување на сите учесници во сообраќајот:
- Внимавајте при паркирање. Користете ги исклучиво означените паркинг места. Не ги блокирајте тротоарите, пешачките зони и пристапите за премин.
- Прилагодете ја брзината на движење на возилата, особено во централното јадро каде фреквенцијата на луѓе е најголема.
- Внимавајте и пропуштајте ги пешаците на пешачките премини и држете безбедно растојание со велосипедистите.
- Апелираме до пешаците да ги користат исклучиво обележаните пешачки премини за безбедно преминување на улиците.
Да покажеме сообраќајна култура, да бидеме добри домаќини и заеднички да придонесеме за безбедни улици за сите нас и за нашите гости.