Беровските ученици, кои наставата ја следат со физичко присуство, односно учениците од прво до трето одделение, денеска добија визири, за заштита и безбедност при следење на наставата, во услови на пандемија од КОВИД 19.
Визирите на двете основни училишта ООУ,,Дедо Иљо Малешевски” и ООУ ,,Никола Петров Русински” им ги додели Градоначалникот на Општина Берово, Звонко Пекевски, а се добиени како донација од општествено одговорна компанија ЗЕГИН.
Голема благодарност, до општествена одговорна компанија ЗЕГИН, што во услови на КОВИД 19, се покажа како голем партнер на општина Берово, како во донацијата на прехрамбени пакети за социјано ранливи категории граѓани, така и сега за учениците кои следат настава со физичко присуство и што секогаш покажува подготвеност за соработка и солидарност, во моментите кога е најпотребно. Овие визири се добредојдени за поддршката на напорите на локалната самоуправа во борбата со КОВИД 19, а со оглед на самиот изглед, се надевам, ќе донесат нов бран на радост на нашите дечиња-истакна Пекевски.
Инаку настава со физичко присуство во општина Берово, следат околу 260 ученици.
