Во рамките на активностите на општина Берово, од Програмата за реконструкција на локални улици и патишта за 2023 година, се реконструира улица ,,Белградска”, во Берово.
Извршена е реконструкција на крак, во должина од 358 метри и широчина од 4 метри и поплочена е со бехатон плочки, поставени се бехатонски рабници и одвод за атмосферска вода, а еден дел од улицата ќе биде асфалтиран.
Оваа улица, долги години наназад е во лоша состојба, па жителите од овој дел на градот, конечно ќе добијат соодветна патна инфраструктура и ќе имаат полесен пристап до центарот на градот.
За реконструкција на ул.,,Белградска”, од Буџетот на општина Берово за 2023 година, ќе бидат издвоени 6.843.709,00 денари.
