Престојниот викенд во Берово, во организација на ЗГ ,,ПАТФАЈНДЕРС”, со финансиска поддршка од Општина Берово, преку повикот за финансирање на невладини организации, ќе се одржи Outdoor festival – ,, Повикот на Малешевијата II 2022”.
Фестивалот ќе се одржи во периодот од 16 до 18 Септември 2022 година, на локации во Берово и низ Малешевските планини. Истиот ќе понуди многу забава и уживање за сите. Предвидени се повеќе активности како планинарење, офроад, кампинг, планински велосипедизам, различни работилници, ораганизирани посети на заменитости во Берово, како манастири и музеи и секако сето ова поткрепено со добра музика и многу забава.
,,Повикот На Малешевијата II“ е отворена покана за секој љубител на природата, планинските спортови и дружбата. Фестивалот е прослава, на сè што може да се ужива, на отворено и на планина со најголемо количество на кислород, прекрасни густи шумски предели, глетки за воздишка и изгрејсонце и зајдисонце, истовремено зближувајќи ги Малешевската традиција со модерната култура, музика и природата со спортските активности.
Активностите на овој фестивал се внимателно креирани од страна на тимот на ЗГ ,,ПАТФАЈНДЕРС”.
Организаторите очекуваат посетеност на околу 500 – 600 учесници и гости.
Повеќе за настанот прочитајте на фејзбук страната Повикот на Малешевијата.
