По којзнае кој пат, службите при ЈПКР ,,Услуга” Берово, ја исчистија депонијата за градежен и градинаски отпад, во место викано ,,Црвен Брег”.
Сакаме да потенцираме,дека оваа депонија е предвидена само за градежен и градинарски (органски) отпад, односно одлагање на било каков друг тип на отпад, е казниво и строго забрането.
Воедно информираме дека локалитетот ќе биде под надзор и конторла на општиниските служби, со цел конечно да се стави крај на несовесното фрлање отпад и сите кој ќе го прекршат истото, да понесат соодветна одговорност.
НЕСОВЕСНОТО ФРЛАЊЕ НА КОМУНАЛЕН ОТПАД МОРА ДА ЗАПРЕ!
Берово и Малешевијата е еколошки чист крај, и ваквите дејствија, никако не придонесуваат во она што сакаме да го постигнеме- ЕКОЛОШКИ ЧИСТ РЕГИОН.
Уште еднаш, по којзнае кој пат, упатуваме апел до сите граѓани, заеднички да придонесеме за почисто Берово и по здрави и поквалитетни услови за живот!
