Од 27 до 29 август 2026 година, Берово ќе биде центар на традицијата, културата и добрата забава преку манифестацијата „Етно Фестивал Берово 2026“ и Саемот на традиционални малешевски производи „Малешевијата на дланка“.
Во текот на трите фестивалски денови, посетителите ќе имаат можност да проследат фолклорна и музичка програма, настапи на познати музички изведувачи, како и презентација и дегустација на традиционални малешевски производи, домашни специјалитети, ракотворби и други автентични локални производи.
Фестивалот има за цел да ги промовира богатото културно наследство, традицијата, обичаите и туристичките потенцијали на Малешевијата, истовремено создавајќи можност за дружење, размена на искуства и уживање во единствената атмосфера што ја нуди Берово.
Општина Берово ги поканува сите граѓани, гости и посетители да бидат дел од оваа тридневна манифестација и заедно да уживаме во музика, фолклор, традиција, локални вкусови и незаборавни фестивалски доживувања.
📅 27 – 29 август 2026 година
📍 Берово
Добредојдени сте сите во Берово – градот каде традицијата живее, а гостопримството се памети!