Во рамките на Програмата за поддршка на имплементацијата на Декадата и Стратегијата за Ромите, за 2024 година, преку Министерството за транспорт, започна реконструкцијата на крак 1 и крак 2 од улицата ,,Јане Сандански “ во Берово.
Ќе се реконструираат двата крака од улицата, во должина од 171 метар.
Предвидено е отстранување на стариот и оштетен асфалт, одводнување , монтажа на коловозни рабници и асфалтирање на крак 1.
Вториот крак ќе биде изведен со бехатон плочки, како колско – пешачка патека со ширина од 2,5 до 3,5 метри а ќе бидат поставени и бетонски рабници.
Реконструкцијата на оваа улица, ќе допринесе за подобрување на квалитетот на живот на граѓаните и обезбедување на полесен пристап до централно градско подрачје на жителите од овој дел од градот.
Вкупната инвестициона вредност за реконструкција на двата крака, изнесува 1.509.152,00 денари.
