Во Бизнис инкубаторот во Берово, се одржа пригодна свеченост, во чест на 8-ми април, Денот на Ромите.
Пред започнување на свечената церемонија, во општинската зграда, Градоначалникот на Општина Берово, заедно со преставници ромската заедница , го поставиви ромското знаме.
По интонирањето на македонската и ромската химна, Градоначалникот Пекевски, ја отвори свечената церемонија , а за значењето на денот, беше прочитан краток историјат.
Тој им го честита Денот на Ромите и им посака здравје, среќа, соживот и толеранција и многу успех, а притоа се осврати на локалните проекти и инвестиции, на кој работи Општина Берово, а преку кои, се подобрува квалитетот на живеење, на граѓаните од ромската заедница.
Како локална власт, секогаш се вклучуваме во надминувањето на проблемите и предрасудите, со кои се соочуваат граѓаните од ромската заедница, а така ќе продолжиме и во иднина.
Свој настап имаа децата од детската градинка и училиштата во Берово, а на најдобрите ученици Роми од основното и средното образование, им доделив парични награди.
Притоа парична награда, за најдобар ученик Ром, од основното училиште доби Али Голиќ, а од средното училиште, Шефрие Сулимановска. Од Буџетот на Општина Берово, ќе им бидат исплатени по 6.000,00 денари.
Продолжуваме и понатаму зеднички и сплотени напред, кон постигнување на нашите цели за инклузивно општество, во кое, секој од нас, има безбеден дом, мирен и достоинствен живот.
