Ни претставува особена чест да го поздравиме Македонскиот Олимписки Комитет, кој како организатор на овогодинешното издание на ЕМОФ Скопје 2025, ќе ја обедини младинската спортска елита од цела Европа. Фестивалот на едно место ќе обедини повеќе од 4000 учесници од 48 европски држави и регионот, голем број на домашни и странски гости, како и повеќе од 900 волонтери.
Овој мулти-спортски олимписки настан, е одлична можност, Македонија да биде домаќин, на младите спортисти од цела Европа и да го претстави својот младински спортски потенцијал, пред широката публика која го следи.
Со цел успешна реализација на фестивалските активности, потребна е и поддршката од најважниот сектор за секој настан – волонтерите. Организаторите, волонтерите ги сметаат за срцето на овој фестивал, повикот за аплицирање за волонтер на ЕМОФ Скопје 2025 е веќе отворен!
Во знак на поддршка ги повикуваме сите заинтересирани да се вклучат во овој спортски спектакл и да ја поднесат својата апликација за волонтер!
Заинтересираните може да аплицираат на следниот ЛИНК.
Повеќе информации за отворениот повик може да најдете на официјалните канали на фестивалот @skopje_2025, каналите на Македонскиот Олимписки Комитет @Macedonianolympics.