Во рамките на петтото коло од Работничките спорски игри во салата „Македонски бранители“ во Берово, одиграни се четири натпревари од планираните шест.
Во првиот дуел од ова последно коло на разигрување по групи, екипата на Општина Берово извојува убедлива и сигурна победа над младите момци од тимот на Беровски Роми, со што покажувајќи вистинска подготвеност во играта, го потврди учеството во полуфиналните натпревари.
Вториот натпревар службено им припадна на тимот од ЈПКР ,,Услуга”, поради отсуство на екипата на Фагус, додека фудбалерите на екипата од Приватни фирми, конечно успеаја да дојдат до својата прва победа со сигурни 3:0 против МВР Полиција, со одличен гол на Драган Ќурчиски во финишот на натпреварот.
Тимот на Гранична полиција. уште еднаш покажаа одлична игра и без ниту еден пораз се пласираа во полуфиналето, со победа на екипата на Труд и Социјала.
Сепак, најинтересен натпревар одиграа екипите на Образование и Угостители и Обложувалници. Овие две екипи директно се соочија за влез во полуфиналето.Уште на самиот почеток цврстината на терен ја покажаа и двете екипи, па иницијативата во својата препознатлива игра уште од стартот резултираше со водство на тимот на Образование.
Екипата на Угостители и Обложувалници со сите сили се обидуваше да фати резултатски приклучок, па така со досуден пенал изборија израмнување на резултатот.Понатамошниот тек на играта донесе и нови возбудувања и шанси за гол и на двете страни.На крајот одличниот натпревар заврши со резултат 2:2 со што тимот на Угостители и Обложувалници се радуваше на своето пласирање во полуфиналето.
Тимот пак на АРМ Штип службено со 3:0 го доби натпреварот против Национални шуми и Пилани, поради отсуство на играчите.
По зваршувањето на натпреварите од петтото коло се одржа и ждребка за полуфиналните натпревари.Еве ги резултатите и ждребката за полуфиналните натпревари кои ќе се одиграат во четврток 24.03 со почеток во 18 часот:
Резултати од петто коло:
- Општина Берово- Беровски Роми 4:1
- ЈПКР ,,Услуга”- Фагус 3:0 службено
- Приватни фирми- МВР Полиција 3:0
- Труд и социјална политика и СУД- Гранична полиција 0:1
- Образование-Угостители и обложувалници 2:2
- АРСМ Гарнизон Штип-Национални шуми и пилани 3:0 службено
По завршувањето на сите натпревари беше одржана и ждребка за полуфиналните натпревари, кои ќе се одиграат на 24.03.2022 година (четврток), со почеток во 18:00 часот, каде ќе се сретнат:
18:00 Угостители и облужувалници- Гранична полиција
18:45 Општина Берово-АРСМ Гарнизон Штип
