Во пресрет на први април- Денот на шегата, денеска на плоштадот ,,Димитар Беровски” во Берово, имавме можност да ги видиме најмалите, под маските на своите омилени јунаци и да уживаме во прекрасната слика, во центарот на градот.
Облечени како принцези, самовили, пеперутки, супер херои, тие со своите воспитувачки, продефилираа од Детската Градинка “23-ти Август“, до плоштадот во Берово, каде што сите маски, се претставија на убавата сцена.
Присутните ги поздрави Директорката на детската градинка, Невенка Таковска.
На детските лица, можеше да се види многу среќа и еуфорија а плоштадот во Берово, беше преполн, од весели родители, роднини и минувачи.
Со јасна порака, да нема повеќе маски кај возрасните, за поубав и посреќен свет на децата, тие расположени мавтаа со рацете и уживаа во традиционалното дефиле.
