По повод Денот на планетата Земја, службите од Општина Берово, денеска спроведоа еко акција на место викано ,,Преведена”.
Кон акцијата се приклучија и вработени во ЈПКР,,Услуга” и жители од туристичка населба Суви Лаки.
Соберени се големи количини комунален, кабаст и електронски отпад и исчистена е месноста викана ,,Преведена”.
Целта на акцијата, како што истакна Градоначалникот Пекевски, е да се подигне свеста кај граѓаните, кон поголема грижа за природата, да се намали загадувањето и секој да допринесе кон поздрава и почиста животна средина, зошто само така, како што додаде, ќе си го направиме животот поубав и ќе ја зачуваме планетата Земја.
Инаку Денот на планетата Земја, се одбележува ширум светот на 22 април, а за првпат е одбележан во САД, во 1970 година, кога се одржани најголемите еколошки демонстрации во историјата.
