Денеска беше официјализирана важна соработка за унапредување на јавните комунални услуги во Општина Берово, преку потпишување на договорот за техничка и финансиска поддршка во рамките на проектот „Отпорни и ефикасни комунални претпријатија во Северна Македонија“.
Градоначалникот Пекевски потприша Договор со Владата на Република Северна Македонија, застапувана од Министерството за животна средина и просторно планирање (МЖСПП) и Владата на Швајцарската Конфедерација, застапувана од Државниот секретаријат за економски прашања .
Потпишувањето на овој договор, претставува значаен чекор напред, во зајакнување на капацитетите на комуналните претпријатија, подобрување на квалитетот на услугите и создавање поотпорни и поефикасни системи за јавно-комунално работење.
Во рамки на проектот се опфатени седум општини: Берово, Куманово, Битола, Радовиш, Струмица, Виница и Кочани,
кои преку оваа поддршка, ќе имаат можност да ги модернизираат своите комунални системи и да обезбедат поквалитетни и одржливи услуги за граѓаните.
Овој проект е уште една потврда за заложбите за партнерство на институциите со меѓународната заедница, за создавање на функционални и отпорни општини, подготвени да одговорат на современите предизвици во комуналниот сектор.
