Како историски момент за културниот развој на Берово, денеска, Градоначалникот Пекевски, го потпиша договорот за изградба на модерна мултифункционална сала – прв ваков објект во општината, кој ќе стане нов центар за културни, едукативни и забавни настани.
Договорот е потпишан со Министерството за култура и туризам, а проектот е одобрен, во рамки на вториот повик на Влада на РСМ, за изразување на интерес од страна на општините, за финансирање на инфраструктурни проекти од областа на културата за 2025 година.
Изградбата е предвидена да започне веднаш по спроведување на јавна набавка и се очекува да биде реализиран во рок од 3 години.
Ова е најголемата инвестиција во културата, во Берово и ќе биде отворена за сите – млади, уметници, наставници и граѓани и сите кои сакаат да придонесат во развојот на културата на градот- истакна Градоначалникот на Општина Берово- Звонко Пекевски.
Мултифункционалната сала ќе биде новата душа на нашиот град, простор каде ќе се создава, доживува и негува културата, па наскоро центарот на Берово, ќе го добие своето најмодерно катче.
Со проектот се предвидува изградба на модерен и современ енергестски ефикасен објект, за сценска и културна дејност, за одржување на различни настани, набавка на модерна и современа аудио- визуелна опрема, како и сценска и техничка опрема за филмски проекции, презентации, концерти, конференции, театарски престави и слично.
Вредноста на проектот е 115.354 817,00 денари, од Влада на РСМ се одобрени 90.414.225, 00 денари, а во 2025 година предвидена е реализација на 19.680.365,00 денари
