Реализација на мали проекти, во рамки на 6 работни групи, како и превземање на зеднички активности за добробит во заедницата, беше темата на разговор, на денешната остварена средба со претставници на општинската организација на Црвен крст- Берово.
На средбата, градоначалникот Пекевски и претставниците, разговара за воспоставување на соработка, со цел развивање на идеи и превземање на што поголем број активности, кои ќе бидат во полза на голем број жители.
Имено , после 15 години, во Берово, се обновува организацијата на Црвен крст во акција за ПХВ.
Извршена е дисеминација на 30 ученици/ волонтери, за работа на мали проекти, за хумани вредности, од кои 12 од основното и 18 ученици од средното образование.
Преку обуки, младите волонтери се оспособуваат за работа на терен, стекнуваат знаења, како да ги истражат потребите на заедницата и како да дојдат до целната група на која и е потребно помош.
Во периодот што следи, 6 групи ќе работат на мали проекти, кои ќе бидат финансирани преку донации и најкасно до 8 мај, проектите треба да бидат реализирани.
Очекувани резултати од реализацијата на овие проекти се:
✅️ Промоција на хумани вредности
✅️ Продлабочување на мултикултурните врски
✅️Продлабочување на соработката помеѓу институциите на локално ниво
✅️ Мобилизација и насочување на младите, кон позитивни вредности, стекнување на нови знаења и вештини
ЦКА-ПХВ (Црвен крст во акција- Промоција на хумани вредности), е национална програма која се реализира во ОО на Црвен крст , во цела држава.
