Со средства од Владата на РСМ, преку Министерството за транспорт и врски, ќе се подобрува патната инфраструктура во с. Ратево.
Вчера, со Министерот за транспорт и врски, Благој Бочварски, градоначалникот Пекевски, го потпиша договорот за ,реконструкција на улица ,,Илинденска” во с. Ратево, која што е главна и најфреквентна улица во селото .
Ќе се реконструира улицата во должина од 940 метри, со широчина од 3 метри, со предвидени места за разминување.
Проектот опфаќа и реконструкција на селскиот мегдан, со соодветно сообраќајно решение, со одводнување, со прифатна решетка и обнова на цевасти пропусти.
Реконструкцијата на ова улица, е од големо значење за жителите од с. Ратево, кои ќе добијат соодветен пристап до своите имоти, подобар квалитет на живот и полесен пристап до црквата.
За реконструкција на ова улица од Буџетот на Министерството за транспорт и врски, ќе бидат потрошени 8,5 милиони денари.
