Во рамки на Ерасмус + проектот на тема ,,Градиме интеркултурни мостови” поддржан од Националната агенција за европски образовни програми и мобилност, ООУ ,,Дедо Иљо Малешевски”-Берово оваа седмица е домаќин на ученици и наставници од Турција, Италија, Португалија, Грција и Романија.Со културно уметничка програма во холот на училиштето, топло добредојде на гостите им приредија учениците од нашето училиште, со што 35 членови, од шесте држави, имаа можност да се запознаат со македонската култура и малешевските ора и танци.
-ООУ ,,Дедо Иљо Малешевски”- Берово, оваа седмица е домаќина на Ерасмус + проектот поддржан од Националната агенција за европски образовни програми и мобилност.Темата на проектот е ,,Градиме интеркултурни мостови”.Од самиот почеток за топло добредојде на гостите им приредивме културно уметничка програма, после тоа во холот имаме работилници, а исто така имаме активности на спортските терени.Вклучени се 35 учесници во кои има ученици и наставници и секако упатувам благодарност до моите вреботени во училиштето кои учествуваат во сите актвивности, а имаме вклучено вкупно 100 учесници со цел да ги споделиме активностите со останатите држави – истакна Наташа Аврамска, директор на ООУ ,,Дедо Иљо Малешевски”.
Учесниците гости исто така во неколку групи учествуваа во работилница, каде главната задача беше да изработат интерклутурни мостови на пријателство, а во склоп на спортските активности беа презентирани спортски игри од секоја држава посебно, каде учениците под водство на своите ментори успешно ги презентираа истите.
Координаторот на проектот Мине Монопулас од Турција, истакна дека прв пат е во Берово и дека се осеќа како дома, истакнувајќи ја целта на проектот додаде:
-Целата на овој проект е дружење и запознавање со културата на другите народи.Ова е петта мобилност по ред од овој проект,последната мобилност е во Турција.Многу ми се допаѓа Берово и многу сум среќна што сум тука.Се чувствувам исто како дома – рече Мине Монопулас.
Останатите наставници од неколкуте држави кои се учесници на проектот, изразија огромно задоволство од пречекот од страна на нашето училиште, а посебен впечаток имаат за убавините на градот Берово, кои во следните неколку дена подетално ќе имаат можност да се запознаат со позитивната приказна и туристичките локалитети во градот.
Во рамки на проектот ова е петта мобилност во Берово, додека последната мобилност е во Турција каде учесници од ООУ ,,Дедо Иљо Малешевски”-Берово , во јули месец ќе присуствуваат на последната активност од овој проект.
Инаку ова е трет Ерасмус проект на нашето училиште ООУ ,,Дедо Иљо Малешевски”-Берово, со вкупно 13 мобилности во различни држави, каде што заминуваат ученици и вработени, што покажува голем успех за училиштето во следење на европските трендови.
