Врз основа на Програмата на Општина Берово од областа на образованието за 2024 година, со број 09-4506/1, од 24.11.2023 година, а по повод Денот на Општина Берово, 23 август, Општина Берово објавува :
ЛИТЕРАТУРЕН И ЛИКОВЕН КОНКУРС
наменет за ученици од Берово, од основното и средното образование
Со цел да се поттикне творештво, формирање на позитивни вредности и развивање на креативноста кај младите, Општина Берово, распишува награден конкурс за изработка на ликовни и литературни (поетски или прозни творби) за учениците од основното и средното образование на тема ,, БЕРОВО МОЈОТ РОДЕН КРАЈ”.
Конкурсот е во две категории: Конкурс за основното образование и конкурс за средно образование
Почнува на 01.06.2024 и трае до 14.06.2024
Творбите треба да бидат потпишани со шифра, а во внатрешноста да стои мал плик со име, презиме, училиште, одделение, одделенски или предметен наставник, адреса на живеење и телефонски број за контакт.
Творбите да бидат доставени во писмена форма до училиштата, а истите е потребно да ги достават до Општина Берово, најдоцна до 20.06.2024 година.
За оценување на творбите ќе биде формирана комисија.
ПРАВО НА УЧЕСТВО
Право на учество, имаат сите ученици од I до IX оделение од ООУ ,,Дедо Иљо Малешевски” и ООУ ,,Никола Петров Русински” и сите ученици од I- ва до IV-та година од ОСУ ,, Ацо Русковски”.
НАГРАДЕН ФОНД
За избор на најдобра ликовна творба
-Награди за најдобрите три ликовни творби од ученици од средно образование:
5.000,00 -прво место,
3.000,00 – второ место и
2.000,00 -трето место
-Награди за најдобрите три ликовни творби од ученици од основно образование:
5.000,00 -прво место,
3.000,00 – второ место и
2.000,00 -трето место
Избор на најдобра литературна творба
Награди за најдобрите три литературни творби од ученици од средното образование
5.000,00 -прво место,
3.000,00 – второ место и
2.000,00 -трето место
Награди за најдобрите три литературни творби од ученици од основно образование:
5.000,00 -прво место,
3.000,00 – второ место и
2.000,00 -трето место
Наградите ќе бидат доделени на Денот на Општина Берово, 23 август.
Сите ликовни творби, ќе бидат изложени во Бизнис инкубаторот во Берово, а наградените литературни творби, ќе бидат прочитани во рамките на свечената церемонија, по повод одбележувањето на денот на Општина Берово, 23 август.
Број 15- 1779/1 Општина Берово
Дата 31.05.2024 година Градоначалник
ЗВОНКО ПЕКЕВСКИ