Бр. 08-675/6
18/04/2023 година
Врз основа на член 17 од Законот за младинско учество и младински политики (“Службен весник на Република Северна Македонија“ број 10/2020), а во врска со член 69-д од Статутот на Општина Берово (Службен гласник на Општина Берово бр. 13/2002, 18/2007, 30/2008, 20/2010, 20/2019,47/2021), Иницијативниот одбор за формирање Локален младински совет при Општина Берово формиран со Решение на Градоначалникот со бр.08-675/4 од 29.03.2023 година на ден 18.04.2023 година распишуваат:
ЈАВЕН ПОВИК
за формирање Локално собрание на млади на Општина Берово
(1) Иницијативниот одбор за формирање Локален младински совет при Општина Берово, формиран со Решение на Градоначалникот со бр. 08-675/4 од 29.03.2023 година, распишува Јавен повик за членство во Локалното собрание на млади.
(2) Повикот е отворен за сите младински организации, организации за млади, политички подмладоци, ученички и студентски организации и други облици на младинско здружување кои ќе ги исполнат следните критериуми:
- Да имаат активности на територијата на Општина Берово.
- Да се основани и активни најмалку една година пред отворањето на овој повик.
- Делегатот/ката и заменик-делегатот/ката да се жители на Општина Берово и да се на возраст од 15 до 29 години.
(3) Сите заинтересирани организации кои ги исполнуваат критериумите потребно е да ги достават следните документи:
- Портфолио за работата на организацијата.
- Мотивациско писмо за учество во Локалното собрание на млади, но не повеќе од 1 (една) страница.
- Годишен извештај за работата од претходната година со кој се потврдува дека организацијата била активна изминатата година со активности спроведени за или од млади во Општина Берово.
- Номинација на делегат/ка и заменик-делегат/ка со контакт-детали за претставниците.
(4) Пријавите за членство во Локалното собрание на млади на Општина Берово се поднесуваат електронски на e-mail адресата [email protected], или до Архива на Општина Берово, секој работен ден од 07.30 до 15.30 часот или по пошта на адреса: Општина Берово, ул. „Димитар Влахов“ бр.10, со назнака „Апликација за членство во Собранието на Советот на млади“.
(5) Рокот за пријавување е заклучно со 05.05.2023 година.
(6) Апликациите ќе бидат разгледувани од страна на Иницијативниот одбор за формирање Локално собрание на млади со цел избор на Локалниот младински совет при Општина Берово и административниот службеник за млади номиниран од Градоначалникот на Општина Берово.
(7) За повеќе информации околку повикот може да се обратите на e-mail адресата [email protected] и на телефонскиот број +389 78 568 818 кај административниот службеник Новица Печински.
Иницијативниот одбор за формирање
Локален младински совет при Општина Берово