Во рамките на своите програмски активности, вчера, Градоначалникот на Општина Берово, Звонко Пекевски оствари средба со менаџерот на Amphenol Tehnologу Macedonia, во Кочани, Сашко Наков.
На средбата разговараа за идната соработка, плановите за развој на компанијата, вработување и придонесот на компанијата во регионот.
Наков ја истакна нивната интенција за отворање на нови работни места и потребата од работна сила.
Тие разменија идеи и мислења, а Пекевски ја истакнаа отвореноста на Општина Берово, за соработка.
Американската корпорацијата „Амфенол“, се занимава со производство на кабли за автомобилската индустрија и антенски структури за базните станици за мобилна телефонија.
