Денеска, во својот кабинет, Градоначалникот на Општина Берово, Звонко Пекевски, оствари работна средба со Директорот на Агенција за исселеништво, Слободан Близнаковски и раководителот на Секоторот за одржување и унапредување на врските со исселеништвото, информирање и културен развој на исселениците, Билјана Костова.
На средбата е разговарано за иницијативите и можностите за соработка помеѓу Агенцијата за исселеништво и Општина Берово, во насока на интеграција на исселениците во јавниот економскиот и културниот живот, размената на информации, како и за можноста за инвестицции.
Градоначалникот Пекевски информираше за различни иницијативи од културен аспект што општината ги реализира, за општинските услуги во сферата на социјалната заштита, како и можностите за развој и инвестиции, особено во делот на туризмот.
Директорот Близнаковски упати на иницијатива за системска соработка со општините, преку споделување на информации и нивна презентација пред иселеничките поединци и организации во светот, со цел нашите исселеници, да бидат информирани што се случува и секој да може да ги пронајде потребните информации.
Во рамки на средбата, посебен акцент е ставен на потребата од унапедување и продлабочување на соработката со иселениците.
