Општина Берово најостро ги демантира и осудува изнесувањата, наведени на официјалниот FB профил на политичката партија Левица – Берово, каде што се вели дека е донесена скандалозна одлука, со која се дискриминираат децата.
Сакаме да ја известиме јавноста дека донесената одлука, е по барање на ОСУ ,,Ацо Русковски” , со единстевена цел да ги мотивира децата, да постигнуваат поголеми резултати и да бидат редовни во наставата.
Исто така, сакаме да напоменеме дека се работи за одлука која што самото училиште ја има донесено, предвидено е во годишната програма на ОСУ ,,Ацо Русковски” и по барање доставено до општината, од страна на Советот, за двата најдобри класа, е донесена одлуката за доделување на финансиска поддршка, за реализација на еднодневна екскурзија.
Упатуваме апел, вакви паушални напади, да не се изнесуваат во иднина, ние сме мало место и навистина е некоректно, да се изнесуваат невистини, преку кои јавноста се доведува во заблуда.