Австрискиот амбасадор Martin Pammer во официјална посета на Берово

Денеска, во својот кабинет, Градоначалникот Пекевски оствари средба со австрискиот амбасадор, н.е. Martin Pammer, кој за прв пат e во официјална посета на Берово.
На средбата, разговараа за конкретните чекори што се преземаат, со цел интензивирање на билатералната соработка, помеѓу нашата држава и Австрија, во насока на унапредување на системот за комунална хигиена и системот за противпожарна заштита.
Како што истакна н.е Амбасадорот Pammer, во тек е проект за поддршка за формирање на доброволни противпожарни единици, во повеќе градови, при што Општина Берово би можела да се вклучи во проектот.
Градоначалникот Пекевски изрази благодарност за поддршката која Австрија ја овозможи за Берово, во текот на пожарите 2021 година, како и за досегашната соработка и на Амбасадорот му ја претстави Општина Берово како и можностите за развој.
Заеднички ги посетија фирмата Агромакс, Домот за стари лица,,др.Иван Влашки” и Музејот на град Берово.
Горе