Благодарност до Компанијата Амфенол Технолоџи Македонија, која донираше автобуска постојка во Берово, поточно во с. Будинарци.
Донацијата е како знак на одбележувањето на 11 годишнината од работењето на компанијата и добрата соработка помеѓу Општина Берово и Амфенол технолоџи Македонија, која во изминатиот период, прерасна во еден од најголемите стопански капацитети во Источниот регион и во која работат голем број на граѓани од Берово и населените места.
Потребата заеднички ја утврдивме, бидејќи тоа е наш заеднички интерес, за да можат да ја користат жителите на с. Будинарци, додека чекаат превоз за да отидат на работа.
Постројката е унифицирана, со лого од компанијата и општината и на истата се наоѓа и мапа.
Да се биде општествено одговорен, значи сите да се однесуваме етички и со сензибилитет спрема општествените, културните и економските прашања, па така, ова нека биде пример, за тоа, како треба општествено одговорно да се дејствува.
