Во рамките на официјалната посета во Словенија, делегација од Берово, предводена од Градоначалникот Пекевски, денеска, оствари средба со Амбасадорот на Република Северна Македонија во Словенија, Горан Милевски.
На средбата разменија мислења и искуства за идната можна соработка со општини од Република Словенија , во делот на туризамот, заштита на животна средина, комунални услуги и противпожарна заштита.
Разговараа за досегашната соработка со општина Раденци и соработката со доброволното противпожарно друштво од Нова Горица.
Општина Берово ја истакна потребата од поддршката од Амбасадата, во иднина, за меѓуопштинска соработка со општини од Словенија и заедничко учество во аплицирање на проекти.
Изразија задоволство од добрите пријателски односи, помеѓу двете земји, истакнувајќи дека истите треба да се зајакнуваат и во иднина.
Средбата заврши со искажана заемна благодарност, пригодни подароци и желба за успешна соработка во иднина.
