По повод Неделата на детето, градоначалникот на Општина Берово, Петар Ружински, ја посети детската градинка „23 Август“, каде што беше пречекан со искрени детски насмевки, радост и прекрасна атмосфера.
Најмладите жители на Берово подготвија прекрасна приредба, исполнета со песна, игра и детска радост, со која уште еднаш покажаа дека детската енергија е најубавиот дел од секое одбележување.
Градоначалникот Ружински, им ја честита Неделата на детето, им се заблагодари на децата за прекрасниот пречек и за приредената програма, а на вработените во градинката им упати благодарност за нивната посветеност, грижа и секојдневниот труд во создавањето безбедна, топла и поттикнувачка средина за најмладите.
Децата се нашата најголема радост и нашата најважна инвестиција во иднината. Нивната насмевка, безгрижното детство и можноста да растат, учат и се развиваат во здрава и сигурна средина, се наша заедничка грижа и обврска.
Неделата на детето е потсетник дека секое дете заслужува љубов, внимание, почит и еднакви можности, а детската насмевка е најубавиот знак дека создаваме подобра иднина за нашата заедница.
