Имавме можност да уживаме во прекрасниот настап на КУД ,,Димитар Беровски”, кои предводени од кореографот Методи Скендерски, вечерва, пред присутните во Берово, презентираа малешевски фолклор и традиционални вредности.
Уживавме во кореографиите: ,,Повардарие”, и ,,Ситна шеска” и имавме прилика да ги видиме уникатните малешевски носии, исткаени од вредните раце на малешевските домаќинки, кои се карактеристични за нашето поднебје.
Низ прекрасна атмосфера, прекрасните фолклористи ги поздрави публиката со богат аплауз, а настапот срдечно го поздравија и гостите.
Традиционалните Малешевски и Македонски песни и ора, на КУД ,, Димитар Беровски “, долги години, се неизоставен дел од ЕТНО ПЛОШТАД ФЕСТИВАЛОТ, кои го пренесуваат културното наследство и ја зачувуваат малешевската традиција.
КУД ,, Димитар Беровски “, низ годините наназад, успеаа да го претстават Берово и Малешевијата, во некоа од нивните бројни кореографии, концерти низ светот, со огромен фонд на песни, ора, оригинални носии и сценски адаптации. И токму поради тоа го носат епитетот симбол и амбасадор на малешевскиот фолклор, подвижен музеј на македонската духовна култура.
