Ресторан „Мис Стон“, од село Смојмирово, донираше комплетна фудбалска опрема за сениорската екипа на Фудбалскиот клуб „Малеш“.
Донацијата опфаќа дресови, тренерки, шушкавци и фудбалски топки, со што значително се подобруваат условите за тренинг и натпреварување на клубот.
Овој гест претставува значајна поддршка за локалниот спорт и за афирмација на фудбалот во општината.
Со оваа донација, Ресторан „Мис Стон“ уште еднаш ја потврдува својата општествена одговорност и посветеност кон заедницата, особено кон младите, кои достојно ја претставуваат општината.
Поддршката од локалните компании, е од исклучително значење за развојот на спортот и мотивирање на спортистите, за постигнување нови успеси.
Од името на Општина Берово, изразуваме искрена благодарност до Ресторан „Мис Стон“, за донацијата.
Веруваме дека оваа соработка ќе продолжи и во иднина, во интерес на спортот и младите во нашата заедница.